ছত্তীশগড়ত এই বছৰ বিধানসভা নিৰ্বাচন (Assembly Election) অনুষ্ঠিত হ’ব। নিৰ্বাচনৰ পূৰ্বে মুখ্যমন্ত্ৰী ভূপেশ বাঘেলে (Bhupesh Baghel) এক নিৰ্বাচনী অংক কৰিবলৈ প্ৰস্তুত হৈছে। তেওঁৰ চৰকাৰে যুৱক-যুৱতীসকলৰ বাবে ২,৫০০ টকা নিবনুৱা ভাট্টা (Unemployment Allowances) দিয়াৰ প্ৰস্তুতি আৰম্ভ কৰি দিছে।
আগন্তুক ছত্তীশগড় বিধানসভা নিৰ্বাচনৰ (পূৰ্বে ছত্তীশগড় চৰকাৰে নিবনুৱা যুৱক-যুৱতীসকলক নিবনুৱা ভাট্টা আঁচনিৰ অধীনত প্ৰতিমাহে ২,৫০০ টকা দিয়াৰ প্ৰস্তুতি চলাইছে (Chhattisgarh CM Bhupesh Baghel Govt Plans To Give Rs 2500 As Unemployment Allowances)। এই প্ৰতিশ্ৰুতি কংগ্ৰেছে ২০১৮ৰ বিধানসভা নিৰ্বাচনৰ পূৰ্বে নিজৰ ঘোষণাপত্ৰত কৰিছিল। ২৬ জানুৱাৰীত ছত্তীশগড়ৰ মুখ্যমন্ত্ৰীয়ে ঘোষণা কৰিছে যে আগন্তুক বিত্তীয় বৰ্ষ (২০২৩-২৪)ৰ পৰা (Next Financial Year (2023-24) প্ৰতিমাহে নিবনুৱা ভাট্টা দিয়া হ’ব। অৱশ্যে এই টকাৰ পৰিমানটো কিমান হ’ব মুখ্যমন্ত্ৰীগৰাকীয়ে কোৱা নাছিল।
ৰাজ্য চৰকাৰৰ জ্যোষ্ঠ বিষয়াসকলে কোৱা অনুসৰি এই ৰাশি প্ৰতিমাহে ২,৫০০ টকা হোৱাৰ সম্ভাৱনা। ২০ ফেব্ৰুৱাৰীত হ’বলগীয়া কেবিনেট বৈঠকত এই সন্দৰ্ভত আলোচনা কৰা হ’ব। এজন জ্যোষ্ঠ বিষয়াই নাম প্ৰকাশ নকৰাৰ চৰ্তত কয় যে এখন সমিতিয়ে নিবনুৱা ভাট্টাৰ অধীনত প্ৰতিমাহে ২,৫০০ টকা দিয়াৰ কথা নিৰ্ধাৰণ কৰিছে। অৱশ্যে টকাৰ পৰিমান প্ৰসংগত নিৰ্ণয় ল’ব মুখ্যমন্ত্ৰী ভূপেশ বাঘেলে।
লগতে এই কেবিনেট বৈঠকত আৰু কেইবাটাও লোভনীয় আঁচনিৰ ওপৰত আলোচনা কৰা হ’ব। ৰাজনৈতিক বিশ্লেষকসকলৰ মতে আগন্তুক বিধানসভা নিৰ্বাচনৰ পূৰ্বে যুৱপ্ৰজন্মক নিবনুৱা ভাট্টা দিয়াটো এক নিৰ্বাচনী অংক।
ৰাজনৈতিক বিশ্লেষক পৰৱেশ মিশ্ৰাই (Parivesh Mishra)কয় যে, নিবনুৱাসকলক নিবনুৱা ভাট্টা (Unemployment Allowances) দিয়াটো কংগ্ৰেছ চৰকাৰৰ (Congress Govt) ৰাজনৈতিকভাবে এক বৃহৎ অংক।
Photo: Google