Maligaon Flyover Inauguration Toady: মালিগাঁৱৰ নৱনিৰ্মিত উৰণ সেঁতুখন (Maligaon Flyover) উদ্বোধন হ’বলৈ আৰু কেইটামান ঘণ্টা বাকী। কিন্তু মুকলি হোৱাৰ পূৰ্বে লোকনিৰ্মাণ বিভাগে কৰিলে এই কাণ্ড।
নিশাৰ ভিতৰত হঠাৎ নৱনিৰ্মিত মালিগাঁৱৰ উৰণ সেঁতুৰ নামফলক কৰিলে সলনি (Maligaon Flyover Inauguration Toady)।
কেইদিনমান পূৰ্বে এই নৱনিৰ্মিত উৰণ সেঁতুত ‘মালিগাওঁ উৰণ সেঁতু’ৰ ফলক লগোৱা হৈছিল। কিন্তু উৰণ সেঁতুৰ মুকলিৰ মাত্ৰ কিছু সময়ৰ আগত অৰ্থাৎ নিশাই পূৰ্বে আঁৰি থোৱা ফলক আঁতৰাই ‘নীলাচল উৰণ সেঁতু’ৰ (Nilachal Flyover) ফলক লগালে লোক নিৰ্মাণ বিভাগে (PWD)।
কিন্তু কি কাৰণত ফলকখন সলনি কৰিলে সেয়া স্পষ্ট হোৱা নাই।
উল্লেখ্য যে, যোৱা বুধবাৰে মুখ্যমন্ত্ৰী হিমন্ত বিশ্ব শৰ্মাই (Assam CM Himanta Biswa Sarma) উৰণ সেঁতুখনৰ কাম পৰিদৰ্শনৰ সময়ত ইয়াৰ নাম “মালিগাওঁ উৰণ সেঁতু” হ’ব বুলি সংবাদ মাধ্যমৰ আগত প্ৰকাশ কৰিছিল।
তাৰ পিছত এই সেঁতুখনত ‘মালিগাঁও উৰণ সেঁতু’ নামৰ ফলক লগোৱা হৈছিল। কিন্তু মঙলবাৰে নিশা এই নাম সলনি কৰি ‘নীলাচল উৰণ সেঁতু’ৰ ফলক লগোৱা হ’ল (Maligaon Flyover Inauguration Toady)।
Photo: Google