Assam Police BMI Test: পেটুৱা আৰক্ষীৰ অগ্নিপৰীক্ষা আৰম্ভ! অসম আৰক্ষীক (Assam Police BMI Test) ফিট ৰখাৰ বাবে অসম চৰকাৰে গ্ৰহণ কৰা কঠোৰ পদক্ষেপৰ অংশ হিচাপে আজিৰে পৰা আৰম্ভ হ’ল বডী মাছ ইনডেক্স (BMI) পৰীক্ষা।
পেটুৱা আৰক্ষীসকলক নিজকে ফিট কৰাৰ বাবে দিয়া সময়সীমাৰ অন্ত পৰাৰ পিছত বুধবাৰৰে পৰা আৰম্ভ হৈছে বি এম আই পৰীক্ষা (BMI Test)।
১৬ আগষ্টৰ পৰা ৰাজ্যৰ ৩৫টা স্থানত অসম আৰক্ষীৰ বাবে এই পৰীক্ষাৰ ব্যৱস্থা কৰা হৈছে। ৩১ আগষ্টলৈ চলিব এই পৰীক্ষা (Assam Police Bmi Testing Begins From 16th August)।
As part of Assam Police’s BMI test for Police personnel , CP, Guwahati got his BMI test done at 4th APBn, Kahilipara. @CMOfficeAssam @himantabiswa @assampolice @gpsinghips pic.twitter.com/iJEs1WTMPj
— Guwahati Police (@GuwahatiPol) August 16, 2023
প্রতিখন জিলা সদৰত টেষ্টৰ ব্যৱস্থা কৰিছে আৰক্ষীৰ শীৰ্ষ মহলে। কাহিলীপাৰাৰ ৪ৰ্থ অসম আৰক্ষী বেটেলিয়ন চৌহদতো অনুষ্ঠিত হয় বি এম আই টেষ্ট (4th Assam Police Battalion (APBn) Premises In Guwahati’s Kahilipara)।
As part of pledge of Hon CM Assam @himantabiswa Sir to improve the health of personnel, @assampolice has started digitised BMI recording of all personnel across the state. In next phase, we would record blood sugar and blood pressure of all personnel. pic.twitter.com/rPIc8jc1nd
— GP Singh (@gpsinghips) August 16, 2023
বুধবাৰে গুৱাহাটীৰ কাহিলীপাৰাস্থিত চতুৰ্থ অসম আৰক্ষী বাহিনীৰ মুখ্য় কাৰ্যালয়ত আৰক্ষী সঞ্চালক প্ৰধান জি পি সিঙে (Director General of Assam Police (DGP) GP Singh) নিজে এই পৰীক্ষা দি এই কাৰ্যসূচীৰ শুভাৰম্ভণি কৰে।
বি এম আই টেষ্টত সম্পূৰ্ণ ফিট হিচাপে আৰক্ষী সঞ্চালক প্ৰধানগৰাকী বি এম আই ৩০ শাখাৰ অন্তৰ্ভুক্ত হয়। এই পৰীক্ষা উচ্চতা, ওজন আৰু বয়সৰ ওপৰত ভিত্তি কৰি নিৰ্ধাৰণ কৰা হৈছে (Assam Police BMI Test)।
Assam Police raising the bar (and the measuring tape)!
BMI testing of Police Personnel kicked off with the DGP Sh @gpsinghips being the first.
Time to ensure fitness goals and serve justice with a side of healthiness! @DGPAssamPolice @HardiSpeaks pic.twitter.com/Zm39Pe0tM1
— Assam Police (@assampolice) August 16, 2023
এই বি এম আই পৰীক্ষাত অৱতীৰ্ণ হয় ৰাজ্যৰ প্ৰতিজন কনিষ্ঠবলৰ লগতে পৰ্যায় ক্ৰমে বিষয়াসকলও। বিভাগীয় কৰ্তৃপক্ষই জানিব দিয়া অনুসৰি বুধবাৰে প্ৰথম পৰ্যায়ত ২০০ কনিষ্ঠবলে এই পৰীক্ষাৰ সন্মুখীন হয়।
ৰাজ্যৰ মুখ্যমন্ত্ৰী হিমন্ত বিশ্ব শৰ্মাই (Assam Chief Minister Himanta Biswa Sarma) কিছুদিন পূৰ্বে ঘোষণা কৰিছিল যে- ৰাজ্যত পেটুৱা পুলিচ আৰু নাথাকিব।
পেট কমাব নোৱাৰিলে আৰক্ষীয়ে বাধ্যতামূলকভাবে এৰিব লাগিব চাকৰি। জনহিত সেৱাৰ্থে নিয়োজিত আৰক্ষীৰ স্বাস্থ্য যে সবল হ’ব লাগিব সেয়া বহু দিনৰ পৰাই চৰ্চা চলি আহিছে (Assam Police BMI Test)।
সংবাদ মাধ্য়মৰ আগত জি পি সিঙে (DGP) GP Singh) কয় যে,
“আৰক্ষীৰ লোকসকলক ৩ মাহৰ সময়সীমা দিয়া হৈছিল আৰু সেই সয়মসীমাৰ পাছত আজিৰে পৰা এই পৰীক্ষা আৰম্ভ কৰা হৈছে। ইয়াৰ বাবে অসম আৰক্ষীৰ এটা ডাটাবেচ বনোৱা হৈছে (Assam Police BMI Test)।”
লগতে তেওঁ কয় যে- “আমি অসম আৰক্ষীক সুস্থ আৰু সবল কৰি ৰাখিব বিচাৰিছো। অহা বছৰৰ পৰা বি এম আইৰ লগত ব্লাড প্ৰেচাৰ আৰু ব্লাড ছুগাৰ পৰীক্ষাৰ ব্যৱস্থা কৰা হ’ব। তাৰ পিছত চিটি স্কেন, এক্সৰে আৰু আলট্ৰাচাউণ্ড কৰাৰ ব্যৱস্থা কৰা হ’ব।”
Photo: Twitter
