Assam HS Result 2023: আজি ঘোষণা কৰা হ’ল অসম উচ্চতৰ মাধ্যমিক চূড়ান্ত পৰীক্ষাৰ ফলাফল (Assam HS Results 2023)।
পুৱা ৯ বজাৰ লগে লগে শিক্ষা সংসদে (AHSEC) ঘোষণা কৰিলে পৰীক্ষাৰ ফলাফল। ১১টাকৈ ৱেবছাইটত উপলব্ধ হ’ল পৰীক্ষাৰ ফলাফল।
হায়াৰ ছেকেণ্ডাৰীত পৰীক্ষাৰ ফলাফলত (Assam HS Result 2023) কলা শাখাত (Arts Stream) উত্তীৰ্ণৰ হাৰ ৭০.১২ শতাংশ। বাণিজ্য শাখাত (Commerce Stream) উত্তীৰ্ণৰ হাৰ ৭৯.৫৭ শতাংশ। আনহাতে, বিজ্ঞান শাখাত (Science Stream) উত্তীৰ্ণৰ হাৰ ৮৪.৯৬ শতাংশ।
ফলাফল অনুসৰি বিজ্ঞান শাখাৰ শীৰ্ষস্থানত উজলিল হাজোৰ ৰামদিয়াৰ নিখিলেশ দত্ত (Hajo Nikhilesh Dutta)। ৪৮৪ নম্বৰেৰে ৰাজ্যৰ ভিতৰতে প্ৰথম স্থান লাভ কৰিলে নিখিলেশে। নগাঁৱৰ ৰামানুজ ছিনিয়ৰ ছেকেণ্ডাৰী স্কুলৰ ছাত্ৰ নিখিলেশ।
নিখিলেশৰ এই সফলতাৰ পিছতে ঘৰখনত এতিয়া আনন্দমুখৰ পৰিৱেশৰ সৃষ্টি (Assam HS Result 2023)।
পুত্ৰৰ এই সফলতাত নিখিলেশ দত্তৰ মাকে কয়,
“মোৰ খুবেই ভাল লাগিছে, মোৰ ল’ৰাই উচ্চতৰ মাধ্যমিকত প্ৰথম স্থান পাইছে। মেট্ৰিকতো ৰামদিয়া শংকৰদেৱ শিশু নিকেতনৰ পৰা অষ্টম স্থান পাইছিল। ভাল ফলাফলৰ বাবে আশা কৰিছিলো, কিন্তু প্ৰথম হ’ব বুলি কেতিয়াও ভবা নাছিলো। ১০টাৰ ভিতৰত থাকিব বুলি ভাবিছিলো। যিখিনি কষ্ট কৰিছিল তাৰ ফল পাইছে।’’
উল্লেখ্য ২০২০ চনত মেট্ৰিক পৰীক্ষাত ৰাজ্যৰ ভিতৰতে অষ্টম স্থান দখল কৰিছিল নিখিলেশে। বেমাৰৰ বাবে মাজতে এটা বছৰ পৰীক্ষা দিব পৰা নাছিল। কিন্তু আজিৰ ফলাফলে নিখিলেশৰ পৰিয়ালৰ লগতে ওচৰ-চুবুৰীয়াৰ মুখলৈও হাঁহি কঢ়িয়াই আনিছে।
Photo: Batori24