ঠাণ্ডা মানেই যেন পিকনিকৰ সময়। ডিচেম্বৰৰ পৰা জানুৱাৰী-ফেব্ৰুৱাৰী মাহলৈ এই সময়ছোৱা হৈছে পিকনিকৰ বাবে উত্তম সময়।সদা ব্যস্ত দৈনন্দিন জীৱনৰ পৰা এটা দিন উলিয়াই পৰিয়ালবৰ্গ নাইবা বন্ধবৰ্গৰ সৈতে কোনো ঠাইলৈ গৈ এটা দিনৰ বাবে আনন্দ উল্লাহ কৰা হয়। পিকনিকৰ বাবে উজনি অসমৰ কেইখনমান বনভোজস্থলীৰ বিষয়ে জানো আহক।
১. বগীবিল– বগীবিল ব্ৰহ্মপুত্ৰ নদীৰ পাৰত ডিব্ৰুগড়ৰ ওচৰত অৱস্থিত আৰু উজনি অসমৰ আটাইতকৈ বেছি ভ্ৰমণ কৰা বনভোজস্থলীসমূহৰ ভিতৰত অন্যতম ঠাই। প্ৰায় ৫ কিলোমিটাৰ দীঘল ব্ৰহ্মপুত্ৰৰ ওপৰত থকা বগীবিল দলং খন অৱস্থিত। ধেমাজি, চিলাপাথাৰ, তিনিচুকীয়া আৰু ডিব্ৰুগড়ৰ দৰে কেইবাটাও গন্তব্যস্থানৰ পৰা মানুহৰ ইয়াত ভিৰ হয়।
২. চৰাইদেউ – চৰাইদেউ হৈছে এক ঐতিহাসিক বুৰঞ্জীপ্ৰসিদ্ধ স্থান। যি প্ৰতি বছৰে শ শ বনভোজৰ লোকক আকৰ্ষিত কৰে। ই আছিল আহোম ৰাজবংশৰ ৰাজধানী যি শিৱসাগৰৰ পৰা প্ৰায় ২৮ কিলোমিটাৰ দূৰত অৱস্থিত। বন্ধু বৰ্গ আৰু পৰিয়ালৰ সৈতে আনন্দৰ সময় অতিবাহিত কৰাৰ উপৰিও, ভ্ৰমণ কৰাৰ সময়ত আহোম ৰাজবংশৰ বিশাল ইতিহাসৰ বিষয়ৰ লগতে শিৱসাগৰৰ ভিন্ন বুৰঞ্জীপ্ৰসিদ্ধ কীৰ্তিচিহ্ন সমূহ প্ৰত্যক্ষ কৰিব পাৰি।
৩. মৌ চাপৰী – যিসকলে ব্ৰহ্মপুত্ৰ নদীৰ পাৰত তেওঁলোকৰ অৱসৰ উপভোগ কৰিব বিচাৰে তেওঁলোকৰ বাবে এই বনভোজস্থলী অতি সুবিধাজনক। ইয়াত আপুনি কম মূল্যত নাও যাত্ৰা কৰাৰ সুবিধা লাভ কৰিব পাৰিব আৰু ধুনীয়া নদীখনৰ সৌন্দৰ্য উপভোগ কৰিব পাৰিব। ই যোৰহাটৰ পৰা মাত্ৰ ১৩ কিলোমিটাৰ দূৰত আৰু আপুনি আপোনাৰ বন্ধুবৰ্গ আৰু পৰিয়ালৰ সৈতে এক সুন্দৰ সময় অতিবাহিত কৰিব পাৰে।
৪. বৰ শিল – বনভোজৰ বাবে ই অসমৰ অন্য এক সুন্দৰ স্থান। ই শিৱসাগৰ জিলাত অৱস্থিত আৰু পৰ্বতৰ সুন্দৰ মনোৰম দৃশ্য আৰু নদীৰ উখল-মাখল শব্দৰ সৈতে এক সুন্দৰ ঠাই। এই ঠাই খন আহোম ৰজা গদাধৰ সিংহৰ বাবে বিখ্যাত।
৫. জেইপুৰ বৰ্ষাৰণ্য – জেইপুৰ বৰ্ষাৰণ্য অসমৰ ডিব্ৰুগড় জিলাত অৱস্থিত। ইয়াত বহুতো সুন্দৰ বিদেশী প্ৰজাতিৰ প্ৰাণী আৰু উদ্ভিদ আছে। লোকসকলে তেওঁলোকৰ চাৰিওফালৰ সেউজীয়াৰ মনোৰম দৃশ্য উপভোগ কৰিবলৈ প্ৰতি বছৰে ঠাইখন ভিৰ কৰেহি। শীতকালত পৰিয়াল আৰু বন্ধুবৰ্গৰ সৈতে এই বনভোজস্থলীলৈ এটা নিখুঁত ভ্ৰমণৰ পৰিকল্পনা কৰিব পাৰে।
যদি আপুনি এইবাৰৰ শীতকালত বন্ধু বৰ্গ আৰু পৰিয়ালৰ সৈতে এক আশ্চৰ্যকৰ বনভোজৰ অভিজ্ঞতা লাভ কৰাৰ পৰিকল্পনা কৰিছে, আপুনি অসমৰ এই অফবিট পিকনিক স্পটবোৰ দৰ্শন কৰিব পাৰে। আপুনি এই ঠাই সমূহত আপোনাৰ জীৱনৰ সৰ্বশ্ৰেষ্ঠ সময় অতিবাহিত কৰিব পাৰে।
