ব্লেক গ্লাছ নাইবা আৰু ব্লেক নেট ব্যবহাৰ কৰিলে ভৰিব লাগিব জৰিমণা।
অসম আৰক্ষীয়ে জাৰি কৰিছে এক নতুন নিয়ম। গাড়ীৰ ভিতৰত ব্যৱহাৰ কৰিব নোৱাৰিব ক’লা ৰঙৰ নেট,ষ্টিকাৰ আদি। অসম আৰক্ষীয়ে চ’ছিয়েল মিডিয়া মাধ্যমৰ যোগেদি পোষ্ট কৰি এই বিষয়ে জনায়। ব্লেক টিণ্টিঙৰ সলনি ব্লেক নেটৰ ব্যৱহাৰ কৰিলে এতিয়াৰ পৰা ভৰিব লাগিব জৰিমণা। স্পষ্টভাৱে এই কথা চ’ছিয়েল মিডিয়াৰ যোগেদি ৰাইজৰ মাজত অৱগত কৰে অসম আৰক্ষীয়ে।
যিয়েই নহওক ক’লা ক’লায়েই
দেখা গৈছে যে কিছুমান লোকে বাহনৰ খিড়িকিত ব্লেক টিণ্টিঙৰ সলনি ব্লেক নেটৰ ব্যৱহাৰ কৰে।
আমি পুনৰ ক’ব বিচাৰো যে বাহনত ব্লেক গ্লাছ অথবা ব্লেক নেটৰ ব্যৱহাৰে আপোনাক জৰিমনা ভৰাব পাৰে।
অস্বচ্ছ ব্লেক নেট চানস্ক্ৰীণৰ পৰিপূৰক নহয়।
— Assam Police (@assampolice) September 13, 2022
যিকোনো ধৰণৰ অপৰাধ জনিত ঘটনা, অনৈতিক কাৰ্যকলাপ আদি ৰোধ কৰিবলৈ অসম আৰক্ষীয়ে এই পদক্ষেপ গ্ৰহণ কৰিছে। পূৰ্বতেও এই ধৰণৰ পদক্ষেপ গ্ৰহণ কৰিছিল যদিও বৰ বিশেষ ফলপ্ৰসূ নহ’ল যদিও এইবাৰৰ বাবে অসম আৰক্ষী এই নিয়মৰ ক্ষেত্ৰত অধিক কঠোৰ হোৱা দেখা পোৱা যাব।