সপত্নীক বৰপেটা সত্ৰ দৰ্শনৰ সময়ত আৰক্ষীৰ শীৰ্ষ বিষয়াগৰাকীৰ সৈতে বৰপেটাৰ আৰক্ষী অধীক্ষকৰ লগতে বজালী আৰক্ষী অধীক্ষকো উপস্থিত থাকে ৷
বৰপেটা সত্ৰত উপস্থিত হৈ ভাস্কৰজ্যোতি মহন্তই সত্ৰত সেৱা জনোৱাৰ লগতে তেওঁ বৰপেটা সত্ৰৰ বুঢ়াসত্ৰীয়া বশিষ্ঠ দেৱ শৰ্মাৰ বাসগৃহত উপস্থিত হৈ সত্ৰীয়াগৰাকীকো সেৱা জনায় ৷
বৰপেটা সত্ৰৰ ঐতিহ্যৰ কথা প্ৰকাশ কৰি বৰপেটাৰ সত্ৰসমুহ দৰ্শন কৰি থকাৰ কথা প্ৰকাশ কৰে ৷
বৰপেটা সত্ৰ দৰ্শনৰ পিচতে অসম আৰক্ষীৰ সঞ্চালক প্ৰধানগৰাকীয়ে সত্ৰসমুহৰ সমস্যা সমাধানৰ ক্ষেত্ৰত অসম আৰক্ষী আগ্ৰহী বুলি মন্তব্য কৰে ৷
বিশেষকৈ সত্ৰসমুহত চিচি কেমেৰা বহুওৱা, সত্ৰৰ প্ৰণামীসমুহ বেংকত জমা কৰাৰ বাবে পৰামৰ্শ আগবঢ়ায় ৷
চোৰক আকৃষ্ট কৰিব পৰা কোনো সম্পত্তি সত্ৰত নাৰাখিবলৈ পৰামৰ্শ আগবঢ়ায় আৰক্ষীৰ সঞ্চালক গৰাকীয়ে
ইয়াৰোপৰি বহুকেইখন সত্ৰত অসম আৰক্ষীয়ে চিচি কেমেৰা প্ৰদান কৰাৰ কথাও প্ৰকাশ কৰে ৷
সত্ৰ সংৰক্ষণ অতি জৰুৰী বুলি উল্লেখ কৰি চিচি কেমেৰা স্থাপন, পুলিচ পেট্ৰ’লিঙৰ ব্যৱস্থা আদি বিষয়তো মন্তব্য ৷বৰপেটা সত্ৰই সত্ৰীয়া ঐতিহ্যৰ ধ্বাজাবাহক বুলি উল্লেখ কৰি যুৱ প্ৰজন্মক সত্ৰৰ সৈতে জৰিত কৰিব লাগে বুলিও মন্তব্য প্ৰদাণ কৰে।
সত্ৰসমুহক হাব চেন্টাৰ হিচাপে গঢ়ি তুলিব লাগে ৷
এসময়ত সত্ৰসমুহ ন্যায় পঞ্চায়ত আছিল ৷
আজিকালি সৰু সৰু কাজিয়াতে মানুহবোৰ থানালৈ যায় ৷
এইবোৰসঠিক কথা নহয় ৷
থানালৈ যোৱাৰ পৰিৱৰ্তে সৰু সৰু বিষয়বোৰ সত্ৰতে নিস্পত্তিৰ আহ্বান ৷
সত্ৰসমুহত সৰুসুৰা বিষয়বোৰৰ সমাধান কৰি দণ্ড বিহা বা প্ৰায়শ্চিত্ত কৰাৰ চিন্তা কৰিব লাগে ৷
এইবোৰ সত্ৰসমুহে গুৰুত্ব দিব লাগে ৷
অসম আৰক্ষীৰ নিযুক্তি সন্দৰ্ভতো মন্তব্য অসম আৰক্ষীৰ সঞ্চালক প্ৰধান ভাস্কৰজ্যোতি মহন্তৰ ৷
নিযুক্তিৰ ক্ষেত্ৰত বেইমানি কৰা নাই ৷
সম্পূৰ্ণ ন্যায় আৰু মেধাৰ ভিত্তিত হৈছে ৷
মোৰ কাৰ্যকালত পূৰ্বেও প্ৰায় ৯, ৬০০ পদত নিযুক্তি দিয়া হৈছে ৷ নিযুক্তি ন্যায় আৰু মেধাৰ ভিত্তিত হৈছে ৷
ভিক্টৰ দাসৰ কেচটোৰ ভিতৰলৈ মই সোমোৱা নাই ৷
তেওক গ্ৰেপ্তাৰ কৰাৰ নিশ্চয় কাৰণ থাকিব ৷
ভিক্টৰ দাসৰ কেচটোৰ ওপৰত প্ৰতিবেদন বিচৰা বুলি মন্তব্য ভাস্কৰজ্যোতি মহন্তৰ ৷
বৰপেটা সত্ৰৰ পৰা ভাস্কৰজ্যোতি মহন্তই বৰপেটা সত্ৰৰ বুঢ়াসত্ৰীয়া বশিষ্ঠ শৰ্মাৰ বাসগৃহলৈ যায় আৰু বুঢ়াসত্ৰীয়াগৰাকীক সেৱা জনায় ৷
আৰক্ষী সঞ্চালক প্ৰধান গৰাকীয়ে সম্প্ৰতি অসুস্থ হৈ থকা বুঢ়াসত্ৰীয়া বশিষ্ঠ দেৱ শৰ্মাৰ সৈতে ধেমেলীয়া কথা পতাও দেখা যায় ৷
