২০০৬ চনৰ কথা। বিধায়িকা হৈ থাকোতে নিৰ্বাচনী প্ৰচাৰৰ বাবে ওড়িশাৰ পৰা অসমলৈ আহিছিল দ্ৰৌপদী মূৰ্মু। দুদিনীয়া ভ্ৰমণ কাৰ্যসূচীৰে অসমলৈ অহা ৰাষ্ট্ৰপতি দ্ৰৌপদী মূৰ্মুৱে কালি নিশা কইনাধাৰা ৰাজ্যিক অতিথিশালাত নৈশ যাপন কৰি পুৰণি স্মৃতি ৰোমন্থন কৰে। ৰাষ্ট্ৰপতি হোৱাৰ পূৰ্বেও কেইবাবাৰো অসমলৈ আহিছিল দ্ৰৌপদী মূৰ্মু।
বিশ্বনাথৰ মিজিকাজান চাহ বাগিচাৰ ৰুক্মিণীয়ে ৰাষ্ট্ৰপতিগৰাকীক মনত পেলাই দিয়ে বহু পুৰণি স্মৃতিৰ কথা। ৰাষ্ট্ৰপতি গৰাকীৰ হাতত তুলি দিলে পুৰণি কিছু স্মৃতিৰ সঁফুৰা। কিন্তু কোন এইয়া ৰুক্মিণী? কি ধৰণৰ সম্পৰ্ক ৰাষ্ট্ৰপতি দ্ৰৌপদী মূৰ্মু আৰু বিশ্বনাথৰ ৰুক্মিণী মাজত।
সেয়া আছিল ২০০৬ চনৰ কথা। বিধায়িকা হৈ থাকোতে নিৰ্বাচনী প্ৰচাৰৰ বাবে ওড়িশাৰ পৰা অসমলৈ আহিছিল দ্ৰৌপদী মুৰ্মু। নিৰ্বাচনী প্ৰচাৰৰ সময়ত বিশ্বনাথৰ মিজিকাজান চাহ বাগিচাত ৭ দিন কটাই গৈছিল দ্ৰৌপদী মুৰ্মুৱে। সেই সময়ত ৰুক্মিণী কিষাণ বৰকটকীৰ ঘৰতে আছিল দ্ৰৌপদী মূৰ্মু। ১৬ বছৰৰ মূৰত পুনৰবাৰ লগ পাই আৱেগিক হৈ পৰিছিল ৰুক্মিণী।
Happy to attend an interaction of Hon’ble President Smt Droupadi Murmu ji with a group of women from Dhekiajuli and others at No. 1 State Guest House, Koinadhora.
Hon’ble Governor Prof @jagdishmukhi ji, Cabinet colleague @sanjoykishan1 and MP @pallablochandas were also present. pic.twitter.com/NQg3zz4XEC
— Himanta Biswa Sarma (@himantabiswa) October 14, 2022
অন্য পঢ়িবলৈ, অসমঃ ৰাষ্ট্ৰপতি দ্ৰৌপদী মূৰ্মুৱে ৩০০০ টা অংগনৱাড়ী কেন্দ্ৰ উদ্বোধন কৰিব
আজি ১৬ বছৰৰ পিছত কইনাধৰাত ৰাষ্ট্ৰপতিগৰাকীক সাক্ষাৎ কৰিলে ৰুক্মিণী কিষাণে। সুঁৱৰিলে পুৰণি স্মৃতি। ৰুক্মিণীয়ে ৰাষ্ট্ৰপতি দ্ৰৌপদী মুৰ্মুক উপহাৰ দিলে ১৬ বছৰ আগতে উঠা এখন ফটো।