শিৱসাগৰ ঃ ৪ নবেম্বৰ ঃ২০২৪ ৰ ভিতৰত ৰাজ্যৰ প্ৰতিখন জিলাৰ প্ৰতি ঘৰে ঘৰে ২০২৪ ৰ ভিতৰত বিশুদ্ধ খোৱাপানীৰ সুবিধা লাভ কৰিব৷। আজি শিবসাগৰত জে জে এম আৰু পৰ্যটন খণ্ড সন্দৰ্ভত হোৱা এক বৈঠকত জনস্বাস্থ্য কৰিকৰী বিভাগ তথা পৰ্যটন মন্ত্ৰী জয়ন্তমল্ল বৰুৱাই এই মন্’ কৰাৰ উপৰি জল জীৱন অভিযানৰ কাম ক্ষিপ্ৰতাৰে কৰিবলৈ বিষয়া সকলক এক নিৰ্দেশ দিয়াৰ উপৰি চলিত মাহৰ পৰাই এই সন্দৰ্ভত পৰিদৰ্শন কৰা হ’ব।
মন্ত্ৰীগৰাকীয়ে পুনৰাই কয় যে এই মাহৰ পৰা দায়িত্ব অৰ্পণ কৰা আত্মসহায়ক গোট সমুহে ঘৰে ঘৰে গৈ পানীৰ টেপ, পাইপ আদি পৰিদৰ্শন আৰু পৰিক্ষা কৰিব।আনহাতে ৰাজ্যত প্ৰচুৰ সম্ভাৱনা থকা ”পৰ্যটন খণ্ডক কেনেকৈ পুনৰুজ্জীৱিত কৰাৰ সম্পৰ্কতো আলোচনাত মিলিত হয় ৷ সভাত ৰাজহ মন্ত্ৰী যোগেন মোহন আৰু থাউৰাৰ বিধায়ক সুশান্ত বৰগোহাঁইও উপস্থিত থাকে।