গুৱাহাটীৰ বৰ্ষাপাৰ ষ্টেডিয়ামত অহা ১০ জানুৱাৰীত ভাৰত আৰু শ্ৰীলংকাৰ মাজৰ এদিনীয়া শৃংখলাৰ প্ৰথমখন মেচ অনুষ্ঠিত হ’ব। ভাৰত-শ্ৰীলংকাৰ মাজত হ’বলগীয়া দিবা–নৈশ এদিনীয়া মেচখনক লৈ বৃহস্পতিবাৰে অসম ক্ৰিকেট সন্থাৰ সভাপতি তৰংগ গগৈয়ে সংবাদমেল সম্বোধন কৰি মেচখনৰ প্ৰস্তুতিৰ বিষয়ে অৱগত কৰে।
Attended a review meeting ahead of the ODI to be held in Guwahati between India and Sri Lanka on January 10 with senior police and administrative officers.
Hon’ble @BCCI Joint Secretary Shri @lonsaikia and other officials were also present in the meeting.@assamcric pic.twitter.com/zv7P9iXxN5
— Taranga Gogoi (@tarangagogoi) January 6, 2023
আজি সন্ধিয়া ৭.৫৫ বজাত গুৱাহাটী পাবহি দুয়োটা দল আৰু দুয়োটা দল থাকিব ৰেডিচন ব্লু হোটেলত। গুৱাহাটীত উপস্থিত হোৱাৰ পিছত ৯ তাৰিখে দুয়োটা দলে বৰ্ষাপাৰাত অনুশীলন কৰিব বুলিও সংবাদমেলত সদৰী কৰে সভাপতি তৰংগ গগৈয়ে। ৯ জানুৱাৰীৰ বিয়লি ১ৰ পৰা ৪ বজালৈ শ্ৰীলংকাই আৰু ভাৰতীয় দলে ৫ৰ পৰা ৮বজালৈ অনুশীলন কৰিব।
ভাৰত-শ্ৰীলংকাৰ মাজত হ’বলগীয়া এদিনীয়া মেচখনৰ বাবে ১০ হাজাৰ টিকট ইতিমধ্যে বিক্ৰী হৈছে৷ দৰ্শকসকলে নেহৰু ষ্টেডিয়ামত বুক মাই শ্ব’ৰ যোগেদি টিকটসমূহ সংগ্ৰহ কৰিব পাৰিব৷ ইয়াৰ উপৰি ১০ হাজাৰ টিকট জিলাসমূহলৈ প্ৰেৰণ কৰা হৈছে। ১০ হাজাৰ টিকট এতিয়াও অসম ক্ৰিকেট সন্থাৰ হাতত আছে বুলি জানিবলৈ দিয়ে।
BCCI Joint Secretary @lonsaikia, ACA President @tarangagogoi & other officials of ACA sit in a meeting with @assampolice & @DCKamrupMetro and other stakeholders of @mygovassam regarding the India vs Sri Lanka ODI scheduled to be held on Jan 10 in #Guwahati. pic.twitter.com/4eTnRpqH0v
— Assam Cricket Association (@assamcric) January 6, 2023
এইবাৰ টেণ্ডাৰিঙৰ যোগেদি পুৰণা লাইট সলনি কৰাৰ ব্যৱস্থা কৰা হৈছে বুলি কয় গগৈয়ে। অৱশ্যে পুৰণি লাইটৰ যোগেদিয়েই এইবাৰৰ খেল অনুষ্ঠিত হ’ব। খেলৰ পিছতহে নতুন এল ই ডি লাইট লগোৱা হ’ব। এদিনীয়া মেচখনৰ বাবে অসম ক্ৰিকেট সন্থাৰ তৰফৰ পৰা দুটা পাৰ্কিঙৰ ব্যৱস্থা কৰা হৈছে বুলিও জনায়।