আজি ১ জুলাই অৰ্থাৎ ৰাষ্ট্ৰীয় চিকিৎসক দিৱস। প্ৰতি বছৰে ১ জুলাই তাৰিখে ৰাষ্ট্ৰীয় চিকিৎসক দিৱস পালন কৰা হয়।এইবাৰৰ ৰাষ্ট্ৰীয় চিকিৎসক দিৱস ২০২২ ৰ মূল বিষয়বস্তু হ’ল ‘ফ্ৰণ্ট লাইনত পাৰিবাৰিক চিকিৎসক’।
মানুহৰ জীৱন আৰু সম্প্ৰদায়লৈ চিকিৎসকসকলে যি অৱদান আগবঢ়াই তাক সন্মান জনোৱাৰ অৰ্থে ভাৰতত ৰাষ্ট্ৰীয় চিকিৎসক দিৱস পালন কৰা হয়।
উল্লেখযোগ্য যে, বিশিষ্ট চিকিৎসক ড০ বিধান চন্দ্ৰ ৰয়ৰ জন্ম জয়ন্তী উপলক্ষে প্ৰতি বছৰে ১ জুলাইত ভাৰতত ৰাষ্ট্ৰীয় চিকিৎসক দিৱস পালন কৰা হয়। বিশিষ্ট চিকিৎসক ড০ বি চি ৰয়ৰ স্মৃতিত ইণ্ডিয়ান মেডিকেল এছ’চিয়েশ্যনে (আইএমএ) ঔষধৰ ক্ষেত্ৰত বিশিষ্ট চিকিৎসক সকলক স্বীকৃতি দিবলৈ বি চি ৰয় ৰাষ্ট্ৰীয় বঁটাও আৰম্ভ কৰিছিল।
দেশৰ সকলো চিকিৎসা কৰ্মীসকলক তেওঁলোকৰ সমৰ্পিত সেৱাৰ বাবে কৃতজ্ঞতা জ্ঞাপন কৰিবলৈ প্ৰতি বছৰে ভাৰতত ৰাষ্ট্ৰীয় চিকিৎসক দিৱস পালন কৰা হয়। ৰাষ্ট্ৰীয় চিকিৎসক দিৱস ২০২২-য়ে সমাজৰ কল্যাণ আৰু অপৰিৱৰ্তনীয় সেৱাসমূহত চিকিৎসক সকলৰ গুৰুত্বপূৰ্ণ অৱদানক সন্মান জনোৱা হৈছে ।
