অমৰনাথ গুহাৰ ওচৰত ডাৱৰ বিস্ফোৰণত কেইবাজনো লোক নিহত, বহুলোক সন্ধানহীন।
দক্ষিণ কাশ্মীৰৰ পৱিত্ৰ অমৰনাথ গুহাৰ ওচৰত ধাৰাসাৰ বৰষুণৰ ফলত সন্ধিয়া প্ৰায় ৫.৩০ বজাত ডাৱৰ বিস্ফোৰণ হৈছিল। এই বিস্ফোৰণত বৰ্তমানলৈকে নিহত ১৫ জন আৰু সন্ধানহীন ৪০ জন বুলি জানিব পৰা গৈছে। এই ডাৱৰ বিস্ফোৰণত সন্ধানহীন হৈ থকা লোকক উদ্ধাৰৰ বাবে দ্ৰুতগতিত সাহায্য আৰু উদ্ধাৰ অভিযান চলোৱা হৈছে। সেনা, বিএছএফ, আইটিবিপি, এনডিআৰএফ, এছডিআৰএফ, জে এণ্ড কে প্ৰশাসনে সাহায্য আৰু উদ্ধাৰ অভিযানত নামিছে। জম্মু আৰু কাশ্মীৰ প্ৰশাসনেও উদ্ধাৰ অভিযানৰ বাবে হেলিকপ্টাৰ মোতায়েন কৰিছে।
অমৰনাথ যাত্ৰাৰ সময়ত সংঘটিত ঘটনাৰ পিছত জনসাধাৰণৰ সুবিধাৰ বাবে জম্মু-কাশ্মীৰ চৰকাৰে হেল্পলাইন নম্বৰ জাৰি কৰিছে। কোৱা হৈছে যে যিকোনো ধৰণৰ সহায়ৰ বাবে তেওঁলোকৰ সৈতে যোগাযোগ কৰিব পাৰি। পহেলগামৰ যুটীয়া আৰক্ষী নিয়ন্ত্ৰণ কক্ষৰ 09596779039, 09797796217, 1936243233, 01936243018। ইয়াৰ উপৰিও, অনন্তনাগ আৰক্ষী নিয়ন্ত্ৰণ কক্ষৰ সৈতে 09596777669, 09419051940, 01932225870 আৰু 01932222870 নম্বৰত যোগাযোগ কৰিব পাৰিব বুলি জনাইছে।
