তিনিচুকীয়াৰ কাকপথাৰত সেনা-আলফাৰ মাজত প্ৰচণ্ড গুলীয়াগুলী
কাকপথাৰৰ দপথাৰ গাওঁৰ এঘৰত আলফাৰ ৬জনীয়া এটা দলে আশ্ৰয় লৈ থকাৰ খৱৰ লাভ কৰি অভিযান চলাই কাকপথাৰ সেনাবাহিনীয়ে। তেনে সময়তে কাকপথাৰৰ দপথাৰত সেনা আৰু আলফাৰ মাজত প্ৰচণ্ড গুলীয়াগুলী সংঘটিত হয়। খবৰ অনুসৰি ৰূপম অসমৰ নেতৃত্বত অহা ৬ জনীয়া আলফা দলৰ সৈতে প্ৰচণ্ড গুলীয়াগুলী সংঘটিত হৈছে। মৃগাংক, উদয় আৰু ৰিংকু নামৰ ৩জন আলফা সদস্য গুলীবিদ্ধ হোৱা বুলি জানিব পৰা গৈছে। লগতে জ্ঞান অসম নামৰ কেডাৰজন নিহত হৈছে। দুয়োপক্ষৰ মাজত দীৰ্ঘসময় ধৰি চলে গুলীয়াগুলী। সুযোগ বুজি ঘটনাস্থলীৰ পৰা পলায়ন ৰূপম অসম।
