শুকুৰবাৰে পুৱা মানালীৰ এখন হোটেলত দিল্লীৰ এজন ব্যক্তিয়ে তেওঁৰ পত্নী আৰু বন্ধুক গুলীয়াই হত্যা কৰাৰ অভিযোগ উত্থাপিত হৈছে। মানালী ভ্ৰমণলৈ অহাই কাল হৈ পৰিল পত্নী গৰাকীৰ বাবে।
আক্ৰমণৰ পৰা কোনোমতে মহিলাগৰাকীৰ প্ৰাণ ৰক্ষা পৰিল যদিও ঘটনাস্থলীতে মৃত্যুক আকোঁৱালি লব লগা হয় বন্ধু জনে। পত্নী আৰু বন্ধুক আক্ৰমণ কৰি আক্ৰমণকাৰীজনে নিজেও আত্মহত্যাৰ পথ বাচি লয়।
আনহাতে, পুৱাৰ ভাগত গুলীবৰ্ষণৰ শব্দ শুনি হোটেলৰ কৰ্মচাৰীসকল দৌৰি আহিছিল হোটেলৰ ৰুমলৈ আৰু ৰুমলৈ আহি মজিয়াত দুটা মৃতদেহ পৰি থকা প্ৰত্যক্ষ কৰে, লগে লগেই হোটেল কৰ্তৃপক্ষই আৰক্ষীক খবৰ দিয়ে ।
উল্লেখযোগ্য যে, সমগ্ৰ ঘটনা সন্দৰ্ভত তদন্ত আৰম্ভ কৰিছে আৰক্ষীয়ে । আহত পত্নী গৰাকীক চিকিৎসাৰ বাবে চিকিৎসালয় লৈ প্ৰেৰণ কৰা হৈছে।
