১০ বছৰৰ বাবে অস্কাৰৰ মঞ্চত নিষিদ্ধ হ’ল উইল স্মিথ
একাডেমীৰ ব’ৰ্ড অৱ গভৰ্ণৰছে ঘোষণা কৰে যে উইল স্মিথক অস্কাৰকে ধৰি সকলো একাডেমী অনুষ্ঠানৰ পৰা দহ বছৰৰ বাবে নিষিদ্ধ কৰা হৈছে। অস্কাৰৰ মঞ্চত কমেডিয়ান তথা অনুষ্ঠানটোৰ ঘোষক ক্ৰিছ ৰকক চৰ মাৰি বিতৰ্কৰ সৃষ্টি কৰিছিল অভিনেতা উইল স্মিথে।
ক্ৰিছ ৰকে উইল স্মিথৰ পত্নীৰ চুলি নথকাক লৈ কিছু বিৰূপ মন্তব্য আগবঢ়াইছিল। যাৰ বাবেই ক্ৰোধান্বিত হৈ পৰিছিল স্মিথ। যি ঘটনাৰ পাছত ক্ষমাও খুজিছিল স্মিথে। লগতে অস্কাৰ কমিটিয়ে যি শাস্তি প্ৰদান কৰে সেয়া মূৰ পাতি লব বুলিও কৈছিল।
