কোভিডৰ চতুৰ্থটো ঢৌৰ বাবে সাজু ৰাজ্যৰ স্বাস্থ্য বিভাগঃ মন্ত্ৰী কেশৱ মহন্তৰ ঘোষণা
কোভিডৰ চতুৰ্থটো ঢৌৰ বাবে সাজু হৈ আছে ৰাজ্যৰ স্বাস্থ্য বিভাগ৷ কোভিডৰ চতুৰ্থটো ঢৌৰ সন্দৰ্ভত কলিয়াবৰত এই মন্তব্য প্ৰদান কৰে ৰাজ্যৰ স্বাস্থ্যমন্ত্ৰী কেশৱ মহন্তই৷ লগতে মন্ত্ৰীগৰাকীয়ে কয় যে, কোভিড সংক্ৰমন বৃদ্ধি পালে নতুন নিয়ম হ’ব পাৰে। কোভিডৰ চতুৰ্থটো ঢৌৰ বিৰুদ্ধে সাজু হৈছে অসমৰ স্বাস্থ্য বিভাগ৷ মাস্ক পৰিধান উঠাই দিয়া হোৱা নাছিল। কোভিড সংক্ৰমন কমাৰ বাবে বহুতে মাস্ক পিন্ধা নাছিল¸ কিন্তু পৰিস্থিতি সাপেক্ষে সকলোৱে মাস্ক পিন্ধিব লাগিব৷
ৰাজ্যত এই পৰ্যন্ত কোভিডৰ চতুৰ্থটো ঢৌৰ প্ৰভাৱ পৰা নাই। দেওবাৰে কলিয়াবৰত উপস্থিত হৈ এই মন্তব্য কৰে কেশৱ মহন্তই৷ লগতে মহন্তই কয় যে, কোভিডৰ চতুৰ্থটো ঢৌৰ বিৰুদ্ধে যুঁজিবলৈ অসমৰ চিকিৎসক¸ হাস্পতাল¸ আই চি ইউ¸ প্ৰেডিঅক্টিক আই চি ইউ¸স্বাস্থ্য বিভাগ সম্পূৰ্ণৰূপে সাজু হৈ আছে৷
