28 C
Guwahati
Thursday, May 30, 2024

Operation Ganga; ভাৰতীয় বায়ু সেনাক স্থানান্তৰৰ প্ৰচেষ্টাত যোগদান কৰিবলৈ নিৰ্দেশ মোদীৰ

Must Read

‘অপাৰেচন গংগা’ৰ অধীনত চলি থকা স্থানান্তৰ প্ৰচেষ্টা বৃদ্ধি কৰাৰ বাবে প্ৰধানমন্ত্ৰী নৰেন্দ্ৰ মোদীয়ে মঙলবাৰে ভাৰতীয় বায়ু সেনাক স্থানান্তৰৰ প্ৰচেষ্টাত যোগদান কৰিবলৈ কয়।

সূত্ৰ অনুসৰি বায়ু সেনাৰ সামৰ্থ্য ব্যৱহাৰ কৰিলে নিশ্চিত হ’ব যে কম সময়সীমাত অধিক লোকক স্থানান্তৰ কৰিব পাৰিব। ই মানৱীয় সাহায্য অধিক দক্ষতাৰে প্ৰদান কৰাত সহায় কৰিব। ভাৰতীয় বায়ু সেনাই আজিৰ পৰা ‘অপাৰেচন গংগা’ৰ অংশ হিচাপে কেইবাখনো চি-১৭ বিমান মোতায়েন কৰাৰ সম্ভাৱনা আছে।

Indian Air Force
Indian Air Force

বৰ্তমানলৈ কেৱল ৰোমানিয়া আৰু হাংগেৰীৰ পৰা ভাৰতীয়সকলক স্থানান্তৰ কৰি আছিল, কিয়নো ইউক্ৰেইনৰ আকাশীপথ ২৪ ফেব্ৰুৱাৰীৰ পৰা বন্ধ আছিল।

ভাৰতে ২৬ ফেব্ৰুৱাৰীত ইউক্ৰেইনৰ পৰা প্ৰায় ১৪,০০০ নাগৰিকক স্থানান্তৰ কৰা আৰম্ভ কৰিছিল। ভাৰতীয় বায়ু সেনা-ৰ শক্তি ব্যৱহাৰ কৰিলে কম সময়ত অধিক লোকক স্থানান্তৰ কৰিব পাৰিব।

বৃহৎ চি-১৭ বিমানখনে যুদ্ধবিধ্বস্ত ইউক্ৰেইনক অধিক দক্ষতাৰে মানৱীয় সাহায্য প্ৰদান কৰাত সহায়ক হব।

Narendra Modi
Narendra Modi

কেন্দ্ৰীয় চৰকাৰে সংঘৰ্ষগ্ৰস্ত ইউক্ৰেইনৰ পৰা আৱদ্ধ শিক্ষাৰ্থী আৰু ভাৰতীয় নাগৰিকসকলক ঘূৰাই আনিবলৈ ‘অপাৰেচন গংগা’ আৰম্ভ কৰিছে। ‘অপাৰেচন গংগা’ অভিযানৰ অংশ হিচাপে এয়াৰ ইণ্ডিয়াৰ দ্বাৰা বিশেষ বিমান পৰিচালনা কৰা হৈছে।

প্ৰধানমন্ত্ৰী শ্ৰী নৰেন্দ্ৰ মোদীয়ে ৰাষ্ট্ৰপতি ৰামনাথ কোবিন্দকো সাক্ষাৎ কৰি ইউক্ৰেইনৰ পৰিস্থিতিকে ধৰি বিভিন্ন বিষয়ত তেওঁক অৱগত কৰে। চৰকাৰী সূত্ৰঅনুসৰি, প্ৰধানমন্ত্ৰী মোডীয়ে তেওঁক শেহতীয়াকৈ আৰম্ভ কৰা ‘অপাৰেচন গংগা’ৰ অধীনত যুদ্ধবিধ্বস্ত দেশৰ পৰা ভাৰতীয় নাগৰিকসকলক স্থানান্তৰ কৰাৰ চৰকাৰৰ প্ৰচেষ্টাৰ বিষয়ে অৱগত কৰে।

আজি ৰাতিপুৱালৈকে ১৬০০ তকৈও অধিক ভাৰতীয় শিক্ষাৰ্থীক ইউক্ৰেইনৰ পৰা স্থানান্তৰ কৰা হৈছে । সপ্তম এয়াৰ ইণ্ডিয়া এক্সপ্ৰেছ বিমানখনে ১৮২ জন ভাৰতীয়ৰ সৈতে মুম্বাইত অৱতৰণ কৰিছিল, যাৰ ভিতৰত বেছিভাগ ছাত্ৰ আছিল, ।

প্ৰধানমন্ত্ৰী মোডীয়ে তেওঁক জনায় যে, বৈদেশিক পৰিক্ৰমা মন্ত্ৰালয়ৰ বিষয়াসকলে পোলেণ্ড, হাংগেৰী, শ্লোভাকিয়া আৰু ৰোমানিয়ালৈ অহা শিক্ষাৰ্থীসকলৰ বাবে ভাৰতলৈ ৰাওনা নোহোৱালৈকে উপযুক্ত ব্যৱস্থা কৰিবলৈ নিৰ্দেশ দিছিল।

এই পদক্ষেপসমূহৰ বিৱৰণ দি প্ৰধানমন্ত্ৰীয়ে ৰাষ্ট্ৰপতিক অৱগত কৰে যে চাৰিজন জ্যেষ্ঠ কেবিনেট মন্ত্ৰীয়ে চুবুৰীয়া দেশ পোলেণ্ড, হাংগেৰী স্লোভাকিয়া আৰু ৰোমানিয়ালৈ তেওঁৰ ‘বিশেষ দূত’ হিচাপে স্থানান্তৰ অভিযানৰ তত্বাৱধানৰ বাবে ৰাওনা হৈছে আৰু চাৰিজন জ্যেষ্ঠ মন্ত্ৰীৰ বিভিন্ন ৰাষ্ট্ৰভ্ৰমণৰ সৈতে স্থানান্তৰৰ প্ৰচেষ্টাক উজ্জীৱিত কৰিব।

ইউক্ৰেইনৰ সীমাত মানৱীয় পৰিস্থিতিৰ মোকাবিলা কৰিবলৈ ইউক্ৰেইনলৈ সাহায্য যোগানৰ প্ৰথমটো সামগ্ৰী মঙলবাৰে প্ৰেৰণ কৰা হ’ব বুলি প্ৰধানমন্ত্ৰীয়ে ৰাষ্ট্ৰপতিক জনায়। প্ৰধানমন্ত্ৰী মোদীয়ে ব্যক্তিগতভাৱে পৰিস্থিতি নিৰীক্ষণ কৰি আছে আৰু তেওঁ ইতিমধ্যে সোমবাৰে সন্ধিয়ালৈ তিনিখন উচ্চ পৰ্যায়ৰ বৈঠকত সভাপতিত্ব কৰিছে।

কেন্দ্ৰীয় মন্ত্ৰী জ্যোতিৰাদিত্য সিন্ধিয়াই ৰোমানিয়া আৰু মলদোভা, কিৰেন ৰিজিজুৰ পৰা শ্লোভাকিয়া, হৰদীপ সিং পুৰী হাংগেৰীলৈ আৰু জেনেৰেল ভিকে সিঙে (অৱসৰগ্ৰহণ) ভাৰতীয় নাগৰিকসকলক স্থানান্তৰ কৰাৰ তদাৰক কৰিবলৈ পোলেণ্ডলৈ যাব।

- Advertisement -
- Advertisement -

Latest News

Bhupen Borah heads to Jorhat, to face police Inquiry amid Political turmoil

Police in Jorhat have summoned Assam Congress chairman Bhupen Borah to appear before them on January 31 in relation to a case involving the Bharat Jodo Nyay Yatra, which is suspected of deviating from its approved route in the district.
- Advertisement -

More Articles Like This

- Advertisement -